രമേശ്‌ ചെന്നിത്തല നയിക്കുന്ന പടയൊരുക്കം, സമാപന സമ്മേളനം 14ന്

തിരുവനന്തപുരം: പ്രതിപക്ഷ നേതാവ് രമേശ് ചെന്നിത്തല കാസർകോട് നിന്ന് തിരുവനന്തപുരത്തേക്ക് നടത്തിയ 'പടയൊരുക്കം' യാത്രയുടെ സമാപനസമ്മേളനം 14ന് സെൻട്രൽ സ്റ്റേഡിയത്തിൽ നടക്കും. കോൺഗ്രസ് ഉപാദ്ധ്യക്ഷൻ രാഹുൽ ഗാന്ധി പങ്കെടുക്കും.

കഴിഞ്ഞ ഡിസംബർ ഒന്നിന് ശംഖുമുഖം കടപ്പുറത്തായിരുന്നു സമാപന സമ്മേളനം നിശ്ചയിച്ചിരുന്നത്. എന്നാൽ, പെട്ടെന്നുണ്ടായ ഓഖി ചുഴലിക്കാറ്റിനെ തുടർന്ന് സമാപനസമ്മേളനം മാറ്റിവയ്ക്കുകയായിരുന്നു.

എൽ.ഡ‌ി.എഫിന്റേയും ബി.ജെ.പിയുടേയും യാത്ര പോലെയായിരുന്നില്ല യു.ഡി.എഫിന്റേത്. വമ്പിച്ച ജനപങ്കാളിത്തമാണ് യാത്രയിൽ അങ്ങോളമിങ്ങോളം ഉണ്ടായിരുന്നതെന്നും ചെന്നിത്തല പറഞ്ഞു.