കുട്ടികളോടോ ക്രൂരതയെന്ന് സിപിഐഎം നേതാവ്; പോസ്റ്റ് വിവാദമാകുന്നു

ശബരിമല തീർഥാടകരെക്കുറിച്ച് സിപിഐഎം നേതാവും കണ്ണൂർ ജില്ലാ പഞ്ചായത്ത് വൈസ് പ്രസിഡന്റുമായ പിപി ദിവ്യയുടെ ഫേസ് ബുക്ക് പോസ്റ്റ് വിവാദമാകുന്നു. ശബരിമലക്ക് കാൽനട യാത്ര പോകുന്ന കുട്ടികളെക്കുറിച്ചാണ് ദിവ്യയുടെ പോസ്റ്റ്. കുട്ടികളുടെ ഫോട്ടോ ഇട്ടു കൊണ്ടാണ് ദിവ്യ വിമർശനം നടത്തുന്നത്.

പോസ്റ്റിന്റെ പൂർണ രൂപം ഇങ്ങനെ:

"എന്ത് വിശ്വാസത്തിന്റെ പേരിലായാലും ശരി ഈ കാഴ്ച വല്ലാതെ വേദനിപ്പിക്കുന്നു. കാസറഗോഡു നിന്നും കാൽനടയായി അഛനോടൊപ്പം രണ്ടു കുരുന്നുകൾ ശബരിമലയിലേക്ക്. പൊരിവെയിലത്ത് നഗ്നപാദരായ് ഈ കുഞ്ഞുങ്ങൾ താണ്ടാനുള്ളത് 400 കിലോമീറ്റർ.ആരു ചെയ്ത പാപഭാരം തീർക്കാനാണാവോ"