ഹാദിയയെ ഓര്‍ത്ത് മാതാപിതാക്കള്‍ക്ക് അഭിമാനിക്കാമെന്ന് എന്‍.എസ് മാധവന്‍

കൊച്ചി: ഹാദിയയെ ഓര്‍ത്ത് മാതാപിതാക്കളായ അശോകനും പൊന്നമ്മയും അഭിമാനിക്കുകയാണ് വേണ്ടതെന്ന് എഴുത്തുകാരന്‍ എന്‍.എസ് മാധവന്‍. പ്രതിസന്ധികളെയും സമ്മര്‍ദ്ദങ്ങളെയും അതിജീവിച്ച് സ്വന്തം നിലപാടില്‍ ഉറച്ചുനിന്ന ഹാദിയയെ ഓര്‍ത്ത് അശോകനും പൊന്നമ്മയും അഭിമാനിക്കണമെന്ന് എന്‍.എസ് മാധവന്‍ ട്വീറ്റ് ചെയ്തു.

Frankly Asokan and Ponnamma should be proud of their parenting of #Hadiya. She was confident, withstood pressure, stood to her ground, spoke her mind, and articulated well. That is a precious upbringing parents can hope to gift.
— N.S. Madhavan (@NSMlive) November 27, 2017

'തുറന്ന് പറയട്ടെ ഹാദിയയെ വളര്‍ത്തിയ അശോകനും പൊന്നമ്മയും അഭിമാനിക്കണം അവള്‍ ആത്മവിശ്വാസം പ്രകടിപ്പിച്ചു, സമ്മര്‍ദ്ദങ്ങളിലും തന്റെ നിലപാടില്‍ ഉറച്ചു നിന്നു. തന്റെ മനസിലുള്ളത് പറഞ്ഞു, ഇതാണ് മാതാപിതാക്കള്‍ക്ക് തങ്ങളുടെ മക്കള്‍ക്ക് സമ്മാനിക്കാന്‍ കഴിയുന്നത്'

'ചുറ്റുപാടും നോക്കിയാല്‍ മുതിര്‍ന്നവരുടെ സമ്മര്‍ദ്ദത്തിന് കീഴടങ്ങുന്ന കുട്ടികളെയാണ് കാണുന്നത്. എന്നാല്‍ അവള്‍ അതിന് തയ്യാറായില്ല. അവളെ വളര്‍ത്തിയ രീതിയാണ് അതിന് കാരണം'