ദിലീപ് ദുബായിലേക്ക് പോയി: കൂടെ അമ്മ മാത്രം

കൊച്ചി: നടിയെ തട്ടിക്കൊണ്ടു പോയി ആക്രമിച്ച കേസിലെ പ്രതിയായ നടന്‍ ദിലീപ് കോടതിയുടെ അനുമതിയോടെ ദുബായിയിലേക്ക് പോയി.'ദേ പുട്ട്' എന്ന സ്വന്തം കടയുടെ ഉദ്ഘാടനത്തിനായാണ് ദിലീപ് ദുബായിയില്‍ പോകുന്നത്.

അമ്മ മാത്രമാണ് ദിലീപിനൊപ്പം പോയത്. ഭാര്യ കാവ്യാ മാധവന്‍, മകള്‍ മീനാക്ഷി എന്നിവരും ഒപ്പം പോകുമെന്ന് സൂചനയുണ്ടായിരുന്നുവെങ്കിലും ഇരുവരും പോയിട്ടില്ല. രാവിലെ നെടുമ്പാശേരി വിമാനത്താവളത്തിൽ നിന്നാണ് ഇരുവരും പോയത്.

തിങ്കളാഴ്ച വൈകീട്ട് കോടതിയിലെത്തി ദിലീപ് പാസ്പോര്‍ട്ട് കൈപ്പറ്റി.സ്ഥാപനത്തിന്റെ സഹ ഉടമയും സുഹൃത്തുമായ നാദിര്‍ഷായുടെ ഉമ്മയാണ് കട ഉദ്ഘാടനം ചെയ്യുന്നത്.